Dhulgariir cabirkiisu dhan yahay 6.2 ayaa ku dhuftay Koonfur Bari Afghanistan Khamiistii, Xarunta Cilmi-baarista Jarmalka ee Geosciences ayaa sheegtay, waana gariirkii saddexaad ee isla gobolkaas tan iyo Axaddii, markaasoo mid ka mid ah dhulgariirkii ugu dhimashada badnaa ee dalkaas ka dhacay ay ku dhinteen in ka badan 2,200 oo qof.
Dhulgariirkan ayaa daba socday dhulgariirkii hore ee dhulka la simay tuulooyin ka tirsan gobolada Kunar iyo Nangarhar, kaas oo sababay in tobanaan kun oo qof ay guryo la’aan noqdaan, waxaana ku dhaawacmay in ka badan 3,600 oo qof.
Dadka badbaaday ayaa noqday hoy la’aan iyadoo kooxaha gargaarka ay ka digayaan inuu sii yaraanayo sahayda, iyadoo Qaramada Midoobay iyo hay’adaha kale ay sheegeen inay baahi weyn u qabaan cunto, sahay caafimaad iyo hoy.
Shaqaalaha gurmadka ayaa khamiisti meydad kasoo saaray burburka guryihii ku burburay dhulgariirka Afgaanistaan iyadoo tirada la xaqiijiyay ay kor u dhaaftay 2,200 oo qof, halka kuwa ka badbaaday hoy la’aanta ay soo food saartay mustaqbal xumo iyadoo hay’adaha gargaarka caalamiga ah ay ka digayaan sahayda-gurmadka oo sii yaraanaya.
Hawlgallada baadigoobka ayaa kasii socday deegaanka dhulgariirku ku dhuftay ee buuralayda bari, maamulka Taliban ayaa sheegay, isagoo ku dhawaaqay dhimashada cusub ee 2,205 iyadoo ugu yaraan 3,640 qof ay ku dhaawacmeen.
