Madaxweynaha Mareykanka Donald Trump ayaa fiidnimadii Jimcaha ku dhawaaqay xil ka qaadis lagu sameeyay taliyihii guud ee ciidamada Mareykanka General Charles Brown, waxaana uu dhawaan sameyn doonaa isbedel ay ku jiraan 5 jago oo kale oo heer sare ah, isku shaandheyn aan horay loo arag.
Trump wuxuu ku sheegay, qoraal uu soo dhigay bartiisa bulshada ee runta, in uu u magacaabi doono Gaashaanle Dhexe Dan “Razen” Cain oo shaqada ka fariistay si uu u bedelo Brown.
Trump waxa uu General Kaine ku tilmaamay duuliye khibrad leh, khabiir amniga qaranka ah, ganacsade guulaystay, iyo dagaalyahan khibrad dheer u leh hawlgallada gaarka ah iyo isku xidhka hay’adaha.
Go’aankan ayaa yimid ka dib toddobaadyo rabshado ah oo ka dhex jiray Wasaaradda Difaaca ee Maraykanka (Pentagon), iyada oo la raacayo siyaasadda cusub ee “America First” ee Trump ee arrimaha dibadda.
Horseed Media
