Wasaaradda difaaca dowladda Turkiga ayaa shaaca ka qaadday in hanaanka difaaca gaashaan buurta NATO uu soo…
Wasaaradda difaaca dowladda Turkiga ayaa shaaca ka qaadday in hanaanka difaaca gaashaan buurta NATO uu soo ridey gantaal nooca Balaastic-ga ah oo laga soo ridey dhinaca Iran, kahor inta uusan gaarin bartilmaameedkiisii oo ahaa saldhigyo ku yaalla gudaha Turkiga.
WASARADDA DIFAACA QARANKA – WAR SAXAAFADEED
9 Maarso 2026
FAAHFAAHIN KU SAABSAN GANTAAL BALISTIK AH OO LAGU BURIYAY HAWADA TURKIGA
Gantaal balistik ah oo laga soo tuuray Iran kuna soo galay hawada Turkiga ayaa lagu burburiyey oo laga dhigay mid aan waxyeello lahayn, waxaana qabtay ciidamada difaaca hawada iyo gantaallada ee NATO ee ku sugan Bariga Badda Mediterranean-ka.
Qaar ka mid ah qaybaha gantaalka ayaa ku dhacay dhul bannaan oo ku yaalla Gaziantep. Dhacdadan ma jirto wax khasaare naf ah ama dhaawac ah oo ka dhashay.
Turkigu wuxuu si weyn u qiimeeyaa xiriirka deris wanaagga iyo xasilloonida gobolka. Si kastaba ha ahaatee, waxaan mar kale adkeynaynaa in tallaabo kasta oo lagama maarmaan ah si go’aan leh oo aan dib u dhac lahayn looga qaadi doono hanjabaad kasta oo ku wajahan dhulkeenna iyo hawadeenna. Waxaan sidoo kale xusuusinaynaa in la ixtiraamo digniinaha Turkiga ay dan u tahay dhammaan dhinacyada.
