Ruushka ayaa 656 diyaaradood oo aan duuliye lahayn iyo 73 gantaal ku riday Ukraine habeennimadii xalay, sida ay sheegeen ciidamada cirka ee Ukraine.
Mas’uuliyiinta Ukraine ayaa sheegay in ugu yaraan 22 qof ay ku dhinteen tobanaan kalena ay ku dhaawacmeen weerarro gantaallo iyo diyaarado aan duuliye lahayn oo Ruushku ka geystay guud ahaan Ukraine, maalmo kadib markii Madaxweyne Volodymyr Zelenskyy uu ka digay in Moscow ay isu diyaarinayso weerar weyn.
Ruushku wuxuu habeennimadii xalay ku riday 656 diyaaradood oo aan duuliye lahayn iyo 73 gantaal Ukraine, sida ay sheegeen ciidamada cirka ee Ukraine.
Waxay sheegeen in bartilmaameedyada ugu muhiimsan ay ahaayeen caasimadda Kyiv, magaalada bartamaha dalkaas ee Dnipro, iyo magaalooyinka bari ee Poltava, Kharkiv iyo Zaporizhzhia.
Difaaca cirka ee Ukraine ayaa burburiyay 40 gantaal iyo 602 diyaaradood oo aan duuliye lahayn, sida ay sheegeen.
Weerarkan Ruushka wuxuu ahaa “weerarkii labaad ee ugu weynaa ee lagu qaado caasimadda Ukraine” 10-kii maalmood ee la soo dhaafay.
Milatariga Ruushka ayaa sheegay in duqeyntaasi ay ku bartilmaameedsadeen xarumaha militariga iyo warshadaha Ukraine.
Madaxweynaha Ukraine, Zelenskyy wuxuu weerarkan u adeegsaday codsi cusub oo taageero militari ah oo uu u diray dowlada Mareykanka.
