Madaxda Dimuqraadiyiinta ee Kongareeska Mareykanka – oo ay ku jiraan xubnaha ugu sarreeya ee ku jira guddiyada siyaasadda arrimaha dibadda ee Aqalka Wakiillada iyo Aqalka Senate-ka – ayaa soo saaray bayaan ay ku cambaareynayaan aflagaadada Trump ee ka dhanka ah Soomaalida Mareykanka.
Madaxweynaha Mareykanka ayaa horraantii toddobaadkan bulshada Soomaalida iyo xildhibaanad Ilhaan Cumar ugu yeeray “qashin”.
Sharci-dejiyeyaashu waxay ku tilmaameen hadallada Trump “nacayb cunsurinimo ah oo aan la aqbali karin”.
“Halkii uu u isticmaali lahaa awoodda madaxweynenimada si uu dalkeenna isugu keeno, Madaxweyne Trump wuxuu doortay inuu weeraro bulsho muhaajiriin Mareykan ah, oo intooda badan ay yihiin kuwo sharciga u hoggaansama oo wax badan oo wanaagsan ka geystay Mareykanka,” ayay yiraahdeen Xildhibaanada Dimuquraadiga.
