Wasiirada arrimaha dibadda ee kooxda dalalka G7 ayaa ku baaqay in si degdeg ah loo joojiyo weerarrada ka dhanka ah dadka rayidka ah iyo kaabayaasha dhaqaalaha ee dagaalka Mareykanka iyo Israa’iil ee ka dhanka ah Iiraan, sida ay ku warantay wakaaladda wararka ee Reuters.
War-murtiyeed wadajir ah oo ay isku raaceen maalintii labaad ee shirka G7 ee ka dhacaya Faransiiska – dalka sanadkan martigelinaya – ayay wasiirradu ku sheegeen inay hoosta ka xariiqeen muhiimadda ay leedahay in la yareeyo saameynta colaadda ee ku aaddan la-hawlgalayaasha gobolka, dadka rayidka ah iyo kaabayaasha muhiimka ah.
Wasiirradu waxay sidoo kale ku celiyeen baahida loo qabo in la soo celiyo xorriyadda bad-mareennada ee nabdoon ee marinka Hormuz, kaas oo qiyaastii 20 boqolkiiba ay maraan saliidda adduunka.
Xubnaha G7 waa Mareykanka, UK, Kanada, Faransiiska, Jarmalka, Talyaaniga iyo Japan, oo ay weheliyaan Midowga Yurub.
