Xamaas ayaa xaqiijisay dilka taliye sare Raed Saad weerar ay Israa’iil ka geysatay Qaza kaasoo ahaa sarkaalkii ugu sareeyey oo ka tirsan kooxda Falastiin tan iyo markii xabbad-joojintii Oktoobar dhaqan-gashay.
Milatariga Israa’iil ayaa sheegay inay dileen Saad weerar Sabtidii ka dhacay meel u dhow magaalada Qaza. Ugu yaraan 25 qof ayaa ku dhaawacmay.
Qoraalka xaqiijiyay dilka Saad muuqaal ayuu Axaddii shaaciyey, madaxa Xamaas ee Gaza, Khalil al-Hayya, oo Israa’iil ku eedeeyay inay jebisay xabad joojinta.
“Ka dib xadgudubyada sii socda ee Israa’iil, oo ay ku jiraan dilkii ugu dambeeyay ee loo geystay taliye Xamaas ka tirsan shalay, waxaan ugu baaqaynaa dhexdhexaadiyeyaasha iyo gaar ahaan maamulka Mareykanka iyo Madaxweynaha Mareykanka Donald Trump oo ah damaanad-qaadaha ugu weyn ee heshiiska, inay ku qasbaan [Israa’iil] inay ixtiraamto heshiiska xabad joojinta,” ayuu yiri.
Tan iyo markii xabad joojintu bilaabatay 10kii Oktoobar, Israa’iil waxay sii waday inay weerarto Gaza maalin kasta – iyadoo fulinaysa ku dhawaad 800 oo weerar ah iyo dilal ugu yaraan 386 qof – taasoo jebinaysa heshiiska, sida ay sheegeen mas’uuliyiinta Gaza.
