$55 Milyan oo Baanka Adduunku Bixiyey oo Heshiis Laga Gaarey Sida Loo Qaybsanayo

Shirkii billaha ahaa ee u dhexeeyey Wasiirada Maaliyadda Dowladda Feraaalka iyo Dowlad goboleedyada iyo weliba maamulka gobolka Banaadir oo ay soo qaqban qaabisay Wasaaradda Maaliyadda DFS ayaa lagu qabtey Muqdisho taariikhdu markey ahayd 11-12 Agoosto 2020 waxaana laga soo saarey war-murtiyeed.

1. Qaabka loo wadaagi lahaa dakhliga kabka miisaaniyadda ee laga helay Baanka Adduunka kuna aadan hoos u dhicii miisaaniyadeed ee uu keenay xanuunka COVID-19.
2. Ansixin nidaam ku aaddan qaab-wadaagga lacagaha loo diro DXDFS, iyadoo guddiga farsamada ay sii falanqeyn doonaan.
3. U guuridda canshuur furdo oo ku salaysan qiime.
4. Xoojinta xog wadaagga iyo hormarinta guud ee Maaliyadda dalka.

Waxaa la isku afgartey laguna ansixiyey qodobada soo socda:

• Si wanaagsan oo lagu wada qanacsan yahay in loo qaybsadey kabkii miisaaniyadda.
• Hirgelinta nidaam canshuureed oo qiime ku salaysan kaas oo aan lahayn wax canshuur kordhin ah balse muhiimadiisa tahay la jaanqaadka ganacsiga dunida iyo mideynta maamulka furdooyinka dalka.
• In Dakhliga waddanka loo qaybsado qaab ka duwan qaabkii hore iyadoo arrintan loo saaro guddi farsamo si loo gaaro in wax lagu qaybsadfo qaab la isla oggolyahay.
• Canshuurtii qaadka ee heshiiskii Garoowe (2.5) waxaa laga dhigay $4.
• In loo soo bandhigo miisaaniyadda 20201 qaab mideysan oo lifaaq ahaan ku cad.

Lacagta Baanka Adduunku ku kabay miisaaniyadda Soomaaliya ayaa gaaraysa $55 milyan oo dollar, inkasta oo maamulada dalku ay kala ballaaran yihiin kalana miisaaniyad weyn yihiin ayaan war murtiyeedka lagu caddeyn sida loo qaybsadey.

Horseed Media