9 Qof oo Cusub ayaa Laga Helay Cudurka Coronavirus Muqdisho

Wasaaradda caafimaadka ee dowladda Federaalka ee Somaliya ayaa sheegtay in lahelay kiisas cusub oo leh, kuwaasi oo ku saabsan cudurka safmarka ah ee COVID-19

Wasiirka caafimaadka Drs Fawziya Abiikar Nuur waxa ay sheegtay in dadka laga helay cudurka ay ku jiraan labo sarkaal oo ka tirsan wasaaradda caafimaadka federaalka

Halkan ka akhriso war-saxaafadeedka

• Maanta oo ay taariikhdu tahay 10/04/2020, waxaan xaqiijinaynaa inay soo kordheen 9 xaaladood oo cusub oo laga helay cudurka Corona. Dadkaan ayaa dhamaantood ah dad ku sugan magaalada Muqdisho oo aan wax safar ah dhowaan galin.
• 6 kamid ah waa dad horey iyagu xiriir ula sameeyay qof ka mid ah dadkii horey cudurka looga helay
• Waxaa ka mid ah dadka maanta laga helay cudurka labo sarkaal oo u shaqeeya Wasaaradda Caafimaadka iyo Daryeelka Bulshada, taasoo ka dhigaysa tirda guud ee shaqaalaha Wadaaradda Caafimaadka ee uu saameeyay cudurku afar (4)
• Tirada guud ee cudurka Corona laga helay ayaa waxay noqonaysaa 21 qof wadanka oo dhan
• Sida hada inoo muuqata, waxaa xanuunkii uu si aayar ah ugu faafayaa buslshada dhexdeeda
• Waxa aad u haboon in qof walba oo innaga mid ah uu la yimaado taxadar dheeraad ah, lana raaco dhamaan fariimaha iyo talooyinka Wasaarddu ay bixinayso.

DHAMMAAD