Wasaaradda Awqaafta iyo Arrimaha Diinta Xukuumadda Federaalka Soomaaliya ayaa war-saxafadeed ay soo saartay waxay ku sheegtay…
Wasaaradda Awqaafta iyo Arrimaha Diinta Xukuumadda Federaalka Soomaaliya ayaa war-saxafadeed ay soo saartay waxay ku sheegtay in tartan furan ay galinaysa shirkadaha doonaya inay u adeegaan xujayda sanadkan 1440H/2019.
Wasaaradu waxay sheegtay in muddo ah ay soo wadday dejinta habkii iyo hanaankii lagu gudan lahaa shaqada Qaran ee u adeegidda Xujayda Soomaaliyeed ee xajka sanadkan 1441/2020;
Wasaaradu waxay kalo sheegay in siyaasadda Dolowadda Federaalka Soomaaliyeed ay ku dhisan hufnaan & gudashada ammaanada Umadda Soomaaliyeed si’ waafaqsan Danta Dalka & Diinta
Wasaaradu waxay soo saartay qodobadan:
⦁ In adeegga Xajka sanad kasta yahay Tartan furan,
⦁ In Qabashada araajida iyo galalka shirkadaha danaynaya u adeegidda xujayda Soomaaliyeed ee sanadkan 1441/2020 ay soo gudbistaan galalkooda codsi muddada u dhaxaysa 04/03/2020 – 11/03/2020.
⦁ U adeegidda xujayda Soomaaliyeed waxaa loo galayaa Tartan furan oo ay simanyihiin shirkadaha Soomaaliyeed ee ku soo gudbista galalkooda codsi sanadkan 1441/2020 muddada sare ku xusan.
Dhinaca kale, Boqortooyada Sucuudi Carabiya ayaa toddobaadkan joojisay Fiisayaashii Dal-ku-galka ee ay siin jirtay dadka muslimiinta ee doonaya inay soo cimraystaan oo soo booqdaan baytka ilaahay baqdi laga qabo faafitaanka cudurka coronovirus.
HORSEEDMEDIA
