Waxaa maanta oo sabti ah dalka Sudan ka dhacay banaanbixii ugu balaarnaa oo ay shacabka uga…
Waxaa maanta oo sabti ah dalka Sudan ka dhacay banaanbixii ugu balaarnaa oo ay shacabka uga soo horjeedaan militariga xukunka la wareegay.
Kumanaan dibad-baxayaal ah oo ka soo horjeeda afgambiga ka dhacay dalka Suudaan ayaa isugu soo baxay waddooyinka si ay u codsadaan in dib loo soo celiyo dowladii rayidka ahayd.
Dibad-baxayaasha ayaa ku baaqay in dib loogu laabto waddadii dimoqraadiyadda, maadaama ay diideen tillaabooyinka ay qaadeen hogaanka militariga, waxayna dalbadeen in la sii daayo maxaabiista siyaasadeed.
Sida uu sheegay TV-ga Suudaan, ciidamada ammaanka ayaa xiray inta badan waddooyinka muhiimka ah iyo buundooyinka magaalada caasimada ah ee Khartoum.
Inta badan shacabka Suudaan ayaa kasoo horjeestay xilka qaadistii uu General Abdel Fattah al-Burhan ku sameeyay golaha Wasiirada ee Ra’iisal-wasaare Abdalla Hamdok isniintii lasoo dhaafay, waxaana hada la xayiray dhamaan gargaarkii iyo deeqihii caalamka siin jiray wadankaasi.
Horseed Media
