Ugu yaraan 13 qof oo rayid ah ayaa ku dhintay, ku dhawaad 30 kalena way ku dhaawacmeen gantaal lagu garaacay magaalada Zaporizhzhia ee koonfurta Ukraine.
Muuqaal lagu baahiyay Telegram-ka Madaxweynaha Ukraine Volodymyr Zelensky ayaa muujinayay dad rayid ah oo jiifa waddo ku taalla magaalada kadib weerarka, iyadoo madaxweynaha uu sheegay in waddanku uu “xaq u leeyahay inuu ka dalbado dammaanad amni” xulafadooda.
Daqiiqado ka hor inta uusan dhicin weerarka, maamulka Ukraine waxa uu ka digay halista gantaalada halista ah ee Ruushka la filayey inuu la beegsado gobolka Zaporizhzhia.
Mar sii horreysay maanta, millatariga Ukraine ayaa sheegay inay duqeeyeen bakhaar lagu kaydiyo shidaalka oo ku yaalla gudaha dalka Ruushka, taasoo keentay inuu dab xooggan ka kaco xarunta sahayda saldhigga muhiimka ah ee diyaaradaha Ruushka.
Saraakiisha Ruushka ayaa qiray weerar weyn oo ay fuliyeen diyaaradaha aan duuliyaha lahayn ee Drones-ka.
Horseed Media
