Qaramada Midoobay iyo Xukuumada Abiy Ahmed ee Itoobiya ayaa arbacadii shalay gaaray heshiis loogu fasaxayo hay’adaha…
Qaramada Midoobay iyo Xukuumada Abiy Ahmed ee Itoobiya ayaa arbacadii shalay gaaray heshiis loogu fasaxayo hay’adaha gargaarka inay tagaan deegaanada ay dagaalada ka dhaceen ee ismaamulka Tigrayga.
Go’aankan Abiy Ahmed ayaa yimid kadib cadaadis uga yimid Beesha Caalamka in la qaado xayiraada Xukuumada Federaalka Itoobiya ay duldhigtay gobalka Tigray-ga oo ay dagaalada ka socdeen tan iyo bilowgii bishii hore ee November.
Waxaa go’an dhamaan isgaarsiinta deegaankaasi, iyadoo ay weli jiraan dad u dhashay Qawmiyada Tigrayga oo ka qaxaya deegaanada ay sheegatay xukuumada Abiy Ahmed inay xoreysay.
Qaxootiga Tigrayga ee hada ku sugan xaduuda dalka Sudan ayaa la sheegay inay ka badan yihiin 46-kun qof sida lagu sheegay warbixintii ugu danbeysay ee Salaasadii kasoo baxday Xafiiska Qaramada Midoobay.
Maxamed Cismaan
Horseed Media
