![](https://horseedmedia.net/wp-content/uploads/2020/12/Shirka-IGAD-38-Jabuti-201220-1.jpg)
Shirka 38aad ee IGAD oo maanta ka furmay magaalada Jabuuti ayaa waxaa furitaankiisii khudbad kasoo jeediyey Guddoomiyaha Komishinka Midowga Afrika Moussa Faki Mahamat oo si gaar ah uga hadlay xiisada u dhaxeysa dalalka jaarka ah ee Soomaliya iyo Kenya.
![](https://horseedmedia.net/wp-content/uploads/2020/12/Shirka-IGAD-38-Jabuti-AUC201220-00.jpg)
“…Dalalka Soomaaliya iyo Kenya waa kuwo xiriir wanaagsan lahaan jiray oo jaar ah… Kenya waxay ka qeyb qaadaneysaa ciidamada AMISOM, waxayna horey u heysay Qaxooti badan oo ka yimid dalka Soomaaliya…Waxaana hubaa in xiriirka soo-jireenka ah ee u dhaxeeya labada shacab ay irrida u furi doonto xalka khilaafaadka hada jira…”
![](https://horseedmedia.net/wp-content/uploads/2020/12/Shirka-IGAD-38-Jabuti-201220-2.jpg)
Guddoomiyaha AUC ayaa sidoo kale hadlay khilaafka u dhaxeeya Dowlada Federaalka Soomaaliya iyo Dowlad Gobaleedyada ee arrimaha Doorashooyinka, isagoona sheegay in loo baahan yahay in laga wada shaqeeyo xal u helida murranka weli taagan.
![](https://horseedmedia.net/wp-content/uploads/2020/12/Shirka-IGAD-38-Jabuti-201220-3.jpg)
Raysalwasaaraha Sudan oo hada guddoomiyaha IGAD Abdalla Hamdok ayaa dhankiisa sheegay in inta shirkan socdo diirada lagu saari doono arrimaha ka jira Soomaaliya, Sudan, Koonfurta Sudan iyo Itoobiya.
![](https://horseedmedia.net/wp-content/uploads/2020/12/Shirka-IGAD-38-Jabuti-201220-0-1080x720.jpg)
Maxamed Cismaan
Horseed Media