Waxaa sii xoogeysanaya banaanbaxyada lagu taageerayo Falastiin oo ka kala dhacaya dalalka Caalamka, iyadoo maanta oo Sabti ahayd ay banaabaxyada ka dhaceen caasimadaha Mareykanka iyo UK.
![](https://horseedmedia.net/wp-content/uploads/2023/10/Banaanbaxyo-taageero-Falastiin-141023-1-jpg.webp)
Kumanaan dibadbaxayaal ah oo taageersan Falastiin ayaa maanta oo Sabti ah isugu soo baxay bartamaha magaalada London, iyagoo ku baaqaya in la soo afjaro dhaq-dhaqaaqa militari ee Israa’iil ay ka wado marinka Qaza, kaasoo ka dhashay weeraradii todobaadkii hore ay Israel ka geysatay kooxda Xamaas.
![](https://horseedmedia.net/wp-content/uploads/2023/10/Banaanbaxyo-taageero-Falastiin-141023-2-jpg.webp)
Dibad-baxayaasha, oo qaar badan oo ka mid ah ay lulayeen calanka Falastiiniyiinta iyo boodhadh ay ku qoran yihiin “Falastiin xor ah,” ayaa isugu soo baxay meel u dhow Oxford Circus halkaasoo ay u aadeen dhanka Downing Street, oo ah guriga rasmiga ah iyo xafiiska Ra’iisul Wasaaraha Britain Rishi Sunak.
![](https://horseedmedia.net/wp-content/uploads/2023/10/Banaanbaxyo-taageero-Falastiin-141023-33-jpg.webp)
Sidoo kale magaalada Washington DC ee caasimada Maraykanka ayey isugu soo baxeen kumanaan shacab ah oo kasoo horjeeda duulaanka Israel.
![](https://horseedmedia.net/wp-content/uploads/2023/10/Banaanbaxyo-taageero-Falastiin-141023-4-jpg.webp)
Ururada u dooda xuquuqda Carabta, Muslimiinta iyo Falastiiniyiinta ee Mareykanka ayaa dhalleeceeyay taageerada shuruud la’aanta ah ee Washington ee dagaalka Israa’iil ee Gaza, iyaga oo dhaleeceeyay warbaahinta iyo siyaasiyiinta Mareykanka.
![](https://horseedmedia.net/wp-content/uploads/2023/10/Banaanbaxyo-taageero-Falastiin-141023-3-jpg.webp)
Magaalada Dusseldorf ee dalka Germany ayaa kamid ah goobaha maanta sida weyn la isugu soo baxay.
![](https://horseedmedia.net/wp-content/uploads/2023/10/Banaanbaxyo-taageero-Falastiin-141023-5-1240x671.webp)
Dalalka Islaamka ayey sidoo kale tan iyo shalay ka dhacayeen banaanbaxyo waaweyn.
Horseed Media