Laacibka kooxda Barcelona ee Robert Lewandowski ayaa qeybtii danbe ee ciyaarta dhaliyay labo gool oo deg deg ah,isagoo hogaanka u dhiibay kooxdiisa oo 4-0 ku xasuuqday Real Madrid ciyaartii El Clasico ee horyaalka La Liga.
Weeraryahanka reer Poland ayaa labo gool ku dhaliyay seddex daqiiqo gudaheed horaantii qeybtii labaad ka hor inta uusan 17-jirka Lamine Yamal noqonin gooldhaliyaha ugu da’da yar El Clasico daqiiqadii 77aad, kabtan Raphinha ayaana soo gabagabeeyay guul raaxo leh oo lix daqiiqo ka harsan tahay.
Barca ayaa sii dheereysatay hoggaanka horyaalka, iyadoo 30 dhibcood ka sareysa Real, halka sidoo kale sagaal dhibcood ka sareysa Villarreal oo ku jirta kaalinta seddexaad.
Ka dib afar guuldarro oo xiriir ah oo Clasico ah, Catalans waxay sheegteen guushoodii ugu horreysay ee Real tan iyo bishii Maarso 2023 qaab ahaan iyagoo soo bandhigay qaab ciyaareed wanaagsan oo kor u qaadaya fikradaha tababare Hansi Flick oo leh difaac adag.
Kooxda martida ahayd ayaa aad ugu raaxaysanayay inay ku ciyaaraan weerarka rogaal celiska ah,iyaga oo ka faa’iidaysanayay xawaaraha hillaaca ee Raphinha iyo Yamal si ay u quudiyaan gooldhaliyaha ugu sareeya LaLiga Lewandowski.
Horseed Media
