Beesha Caalamka ayaa oo war qoraal ah kasoo saartay wadahadalkii shalay lagu dhamaystirayey shirkii 25kii Febraayo…
Beesha Caalamka ayaa oo war qoraal ah kasoo saartay wadahadalkii shalay lagu dhamaystirayey shirkii 25kii Febraayo ee u dhexeeyey dowlada federaalka iyo midowga musharaxiinta.
Sidoo kale waxay ugu baaqeen madaxda dowlad goboleedyada inay ka qaybgalaan shirka la qorshaynayo maalmaha soo socda in lagu xaliyo tabashooyinka heshiiskii 17 September 2020.
Hoos ka akhriso:
” Saaxiibada Soomaaliya ee beesha caalamka, waxay soo dhoweynayaan sii socoshada wadahadalada 1dii Maarso ee u dhaxeeyay Ra’iisul Wasaaraha Xukuumadda Federaalka Soomaaliya Maxamed Xuseen Rooble iyo Golaha Musharaxiinta Madaxweynaha. Kadib shirkii guusha kusoo dhammaaday ee 25kii Febraayo, saaxiibadu waxay ka codsanayaan Ra’iisul Wasaaraha iyo Golaha Murashaxiinta Madaxweynaha inay ku tallaabsadaan horumar hor leh.
Waxaan sidoo kale ku boorineynaa madaxda DFS iyo DGXF inay qabtaan shir-madexeedkii la qorsheeyay maalmaha soo socda si loo xaqiijiyo qorsheyaasha fulinta ee heshiiskii 17kii Sebtember, loona soo gabagabeeyo dib u eegista soo-jeedintii Guddiga Farsamada ee 16kii Febraayo si geedi-socodka doorashada uu u bilaawdo iyadoo aanay jirin dib u dhac dambe.
* Hawlgalka Midowga Afrika ee Soomaaliya (AMISOM), Belgium, Canada, Denmark, Jabuuti, Masar, Itoobiya, Finland, Faransiiska, Jarmalka, Urur-Goboleedka (IGAD), Ireland, Talyaaniga, Japan, Ururka Jaamacadda Carabta (LAS), Holand, Norway, Ururka Iskaashiga Dalalka Islaamka (OIC), Iswiidhan, Iswisarland, Turkey, Ughaanda, Boqortooyada Midowday ee Britain, Dowladda Maraykanka, ee Qaramada Midoobay.“
Horseed Media
