Xiisadda ka taagan Bariga Dhexe ee ka dhalatay qarxinta, kooxda Xisbullah ayaa ku hanjabtay in ay hakin doonto xoghayihii arrimaha dibadda ee Maraykanka Antony Blinken oo wada dadaalada diblumaasiyadda ee gobolka, xilli uu Arbacadii la kulmay mas’uuliyiin sarsare oo dalka Masar ah isagoo rajeynaya in la hormariyo dadaallada lagu xaqiijinayo xabbad-joojinta Gaza iyo hagaajinta xiriirka Qaahira.
Booqashada diblamaasiga ugu sarreeya Mareykanka ayaa imaanaysa iyadoo gobolka uu ku jiro feejignaan sare, sababtoo ah khatarta dagaalka Qaza oo sii fidaya, ka dib markii kooxda xisbullah ay ballan qaaday inay ka aargudan doonto Israa’iil, oo ay ku eedeeyeen inay qarxisay addeega isgaarsiinteeda dalka Lubnaan.
Israel ayaa diiday inay ka jawaabto su’aalaha ku saabsan qaraxyada. Ugu yaraan sagaal qof ayaa ku dhintay ku dhawaad 3,000 oo kalena waa ay ku dhaawacmeen.
Madaxweyne Abdel Fattah al-Sisi ayaa u sheegay Blinken kulankoodii subaxnimadii Arbacada in Masar ay ka soo horjeedo isku dayga lagu doonayo in lagu kordhiyo “colaadda laguna ballaariyo gobolka” wuxuuna ugu baaqay dhammaan dhinacyada inay u dhaqmaan si mas’uuliyadi ku jirto, ayaa lagu yiri bayaan ka soo baxay madaxtooyada Masar.
Blinken ayaa markii dambe wadahadal la yeeshay mas’uuliyiinta kale ee Masar oo uu ka mid yahay wasiirka arrimaha dibadda Badar Abdelatty iyo mas’uuliyiin kale.
Horseed Media
