Ciidanka dowladda Soomaaliya oo gacan ka helaya ciidamo Mareykan ah ayaa la sheegaya in ay weerar…
Ciidanka dowladda Soomaaliya oo gacan ka helaya ciidamo Mareykan ah ayaa la sheegaya in ay weerar ku qaadeen iskuul ururka Al-Shabaab uu ku tababari jiray caruurta. Howl galkaasi ayaa ka dhacay tuulada lagu magacaabo Jameeca Jillay oo u dhaxeysa Balcad iyo Jowhar, isla markaana magaalada Jowhar u jitrta 50KM
Ciidamada oo watay gaadiidka gaashaaman ayaa waxaa cirka ka taageerayey diyaarado kuwa qumaatica u kaca, iyadoo ay ciidanka ku soo bad-baadiyey howl galkaasi in ka badan 30 caruur ah.
Dadka deeggaanka ayaa warbaahinta u sheegay in ugu yaraan 10 qof oo 4 ay carruur yihiin ay ku dhinteen howl galka. Ciidamada howl galka fuliyay ayaa waxay horay u kaxeysteen carruurtii wax lagu bari jiray Madarasada, sida dadka deegaanka ay warbaahinta u sheegeen.
Xaalada deegaanka Jameeco Jiliyaale ayaa degan, waxaana la sheegayaa in ciidankii howl galka fuliyey ay isaga baxeen deegaanka.
Horseed Media 2018
