Gobolka Mudug gaar ahaan deegaanka lagu magacaabo Jiicboor waxaa ka socda dagaal xooggan oo u dhexeeya malayshiyo beeled ka soo kala jeeda beelaha Leelkase iyo Sacad.
Labada dhinac ayaa marar kala duwan sidaan uu kale ugu dagaalamay isla deegaankaas, waxaana la isku hayaa dhul-daaqsimeed iyo tuulooyin.
Dagaalkaan oo laysu adeegsanayo hubka noocyadiisa kala duwan ayaa la xaqiijiyey inuu sababay khasaare isugu jira dhimasho iyo dhaawac.
Majiro wax war ah oo kasoo baxay maamulada gobolka Mudug, waxaana lasoo sheegayaa in gurmadyo labada dhinac ah ay gaarayaan goobaha lagu dirirayo.
Xiisadda haatan soo cusboonaatay ayaa kusoo aadeyso, iyada oo maalmihii u dambeeyay gobolka Mudug ay ka socdeen shirar lagu islaaxinaayo labada beeleed oo ay ka qaybqaateen maamulada Galmudug iyo Puntland.
HORSEED MEDIA
