Dagaal sababay qasaaro dhimasho iyo dhaawac ayaa ka dhacay deegaanka Xananbuure oo dhaca waqooyiga gobolka Galgaduud…
Dagaal sababay qasaaro dhimasho iyo dhaawac ayaa ka dhacay deegaanka Xananbuure oo dhaca waqooyiga gobolka Galgaduud ee bartamaha Soomaaliya.
Ku dhowaad 5 qof ayaa lagu soo waramayaa in ay ku geeriyoodeen oo uu ku jiro wasiirkii hore ee shaqada iyo shaqaalaha Galmudug Daahir Shidane Cabdi oo dhaawac ka soo gaaray dagaalka u geeriyooday tiro kalena ay ku dhaawacmeen.
Xaaladda ayaa haatan kacsan, waxaana weli is-horfadhiyaa maleeshiyaadki dagaalamayay labadi maalin ee la soo dhaafay.
Dhanka kale madaxweynaha Galmudug oo si adag uga hadlay dagaalkaasi ayaa ciidamada dowladda ku amray inay kala dhexgalaan labada beelood, si loo joojiyo dagaalka.
Galgaduud oo ku yaalla bartamaha Soomaaliya ayaa waxaa inta badan ku soo laa-laabta dagaallo sokeeye oo u dhexeeya maleeshiyaad beeleed ku wada sugan gobolkaasi
HORSEEDMEDIA
