Ugu yaraan toddobo qof ayaa ku dhintay in ka badan 700 oo kalena waa ay ku dhaawacmeen dhulgariir xooggan oo ka dhacay dalka Taiwan.
Digniinta Tsunami ayaa laga soo saaray dalalka Japan iyo Filibiin dhulgariirka kadib, waxaana la sheegay in uu ahaa kii ugu xooganaa muddo 25 sano ah.
Ugu yaraan toddobo qof ayaa ku dhintay halka qiyaastii 700 oo kalena ay ku dhaawacmeen, sida ay sheegeen mas’uuliyiinta Taiwan.
Dhismayaal gaaraya ilaa 20 guri ayaa ku dumay dalka Taiwan, sida ay sheegtay hay’adda samatabixinta. Magaalada Hualien, laba dhisme oo dabaqyo badan ka kooban ayaa qarka u saaran inay dumaan ka dib dhulgariirkii xoogganaa.
Dhul-gariir ka dhacay jasiiradda xeebta bari ayaa dhacay wax yar ka hor siddeeddii subaxnimo ee subaxnimadii Arbacada wakhtiga maxalliga ah. Waxaa la rumeysan yahay in ay tahay tii ugu xoogga badneyd muddo 25 sano ah, ayuu yiri Wu Chien-Fu, oo ah madaxa maamulka hawada ee Taipei.
Dhul-gariirku waa mid baaaxad weyn. Waxaa laga dareemay guud ahaan Taiwan iyo jasiiradaha ku teedsan xeebta, Wu ayaa u sheegay warfidiyeenka.
Dhulgariirka oo cabirkiisa lagu qiyaasay 7.4 sida ay sheegtay hay’adda Sahanka dhulka ee Maraykanka, ayaa waxaa daba socday digniino hore oo Tsunami ah oo ka dhacay dalalka Japan, Filibiin iyo Shiinaha.
Dhulgariirka ayaa sidoo kale laga dareemay qeybo badan oo ka mid ah xeebaha bari ee Shiinaha, sida ay qortay Bloomberg.
HORSEEDMEDIA
