Diyaaradaha aan duuliyaha lahayn ee Turkiga ayaa dilay hal xubin oo ka tirsan xisbiga shaqaalaha Kurdistan…
Diyaaradaha aan duuliyaha lahayn ee Turkiga ayaa dilay hal xubin oo ka tirsan xisbiga shaqaalaha Kurdistan ee PKK, labo kalena waa ay ku dhaawacmeen Isniintii shalay, sida ay sheegtay waaxda la dagaalanka argagixisada Kurdistan.
“Weerarka Turkiga ayaa lala beegsaday kulan ay xubnaha PKK ku lahaayeen xerada Makhmour, waxaana ku dhintay mid ka mid ah laba kalena way ku dhaawacmeen oo uu ku jiro sarkaal sare oo ka tirsan PKK,” ayaa lagu daray hadalkiisa.
Turkiga ayaa si joogta ah duqeymo dhanka cirka ah u qaada maleeshiyaadka PKK ee ku sugan waqooyiga Ciraaq, waxaana uu tobaneeyo fariisimo ku leeyahay dhulka Ciraaq.
PKK waxa ay bilowday kacdoon ka dhan ah Ankara 1984-tii iyada oo ujeedadu ahayd in la abuuro dawlad madax banaan oo Kurdish ah. Ka dib waxa ay dhexdhexaadinaysay himiladeeda si ay u raadiso xuquuq weyn oo Kurdiyiin ah iyo madax-bannaani xaddidan ee koonfur-bari ee Turkiga.
Horseed Media
