Cumar Maxamuud Maxamed (Filish) Duqa Muqdisho Ahna Guddoomiyaha Gobolka Banaadir ayaa kormeeray xaafadaha ay saameeyeen roobabkii…
Cumar Maxamuud Maxamed (Filish) Duqa Muqdisho Ahna Guddoomiyaha Gobolka Banaadir ayaa kormeeray xaafadaha ay saameeyeen roobabkii ka da’ay Caasimadda Gudoomiye Cumar waxa uu faray laamaha Dowladda Hoose iyo waaxyaaha gurmadka degdegga ah in ay u istaagaan xal u helidda dhibaatooyinka bini’aadannimo ee ay sababeen roobabka ka da’ay maagalada.
Guddoomiyaha iyo xubno kale oo la socday ayaa kormeeray degmooyinka Boondheere, Shangaani, Xamarweyne, Wadajir, xamar Jajab iyo isgooska nambar afar,isagoo si gaar ah uga qeybgalay samata bixinta qoys uu ku soo dumay gurigoodo.
Guddoomiye Cumar Filish oo dhageystay xaaladdooda nololeed ee bulshada degmooyinka uu kormeeray ayaa ka dhawaajiyay sida ay uga go’an tahay Maamulka Gobolku in ay ka shaqeeyaan yareynta xaaladda bini’aadanimo ee soo food-saartay dadka danyrata ah.
hanka kale, Guddoomiyaha ayaa amray in la dardar geliyo howlaha faya-dhowrka Caasimadda, degdegna ay howlwadeennada Dowladda Hoose uga shaqeeyeen sidii loo furi lahaa marinnada halbowlaha u ah isu socdka bulshada.
