![](https://horseedmedia.net/wp-content/uploads/2021/05/4-2-1080x720.jpg)
Madaxweynaha muddo xileedkiisu dhamaaday ee dowlada federaalka Soomaaliya Maxamed Cabdullaahi Farmaajo oo ka qaybgalaya munaasabada xuska maalinta dhalinyarada Soomaaliyeed 15-ka May ayaa ubax dhigay taallada SYL.
Farmaajo ayaa dhallinyarada Soomaaliyeed ugu hambalyeeyay munaasabadda 15-ka May oo ku beegan 78 guuradii Aas-aaska golihii dhallinyarada Soomaaliyeed ee SYL, isaga oo muujiyey qiimaha weyn ee maalintan ay u leedahay Ummadda Soomaaliyeed.
Madaxweynaha muddo xileedkiisu dhamaaday ayaa salaan sharaf ka qaatay cutubyo ka tirsan ciidanka xoogga dalka, iyada oo ciidamada Baambayda ay ku maamuusayeen astaanta Qaranka.
Munaasabadda Ubax-dhigga Taallada SYL waxaa ka qayb galay Guddoomiyaha Gobolka Banaadir Cumar Maxamuud Maxamed Filish iyo Ku-xigeennadiisa, Wasiirro ka tirsan Xukuumadda xilgaarsiinta, Taliyeyaasha Ciidammada Qalabka Sida iyo dhallinyaro ka kala socotey 17-ka degmo ee gobolka Banaadir.
Horseed Media