Published: October 9, 2023
Ciidanka xoogga dalka ayaa howlgal qorsheysan xalay ka fuliyay deegaanka Garilow hoos taga degmada Janaale ee Gobalka Shabeellaha Hoose.
Howlgalka ayay ciidamada ku dileen laba kamid ah kooxda Al-shabab, waxana ciidamada ay gacanta ku dhigeen hubkii iyo Mooto ay wateen maleeshiyaadka la dilay.
Saraakiil ka tirsan ciidanka Qaranka oo warbaahinta la hadlay ayaa sheegay in howlgalkaan uu u dhacay sidii loo qorsheeyay, iyagoo sheegay in la-sii-wadi doono howlgallada lagu baacsanayo kooxdan.
Ciidamada xoogga dalka iyo kuwa degaanka ayaa koonfurta iyo bartamaha Soomaaliya ka wada hawlgalada lagu wiiqinayo awooda kooxda Al-shabaab oo ku sugan dhulkaasi.
