Iran iyo Ruushka oo wada saxiixanaya heshiis iskaashi oo muhiim ah.
Madaxweynaha Iran Masoud Pezeshkian ayaa jimcihii u sheegay dhiggiisa Ruushka Vladimir Putin inuu rumeysan yahay in labadooda dal ay dhameystiri karaan heshiisyada dhismaha warshad tamarta Nukliyeerka ah ee Iran.
Pezeshkian ayaa jimcihii tagay Moscow si uu wadahadal ula yeesho Putin iyo saxiixa heshiis iskaashi istiraatijiyadeed oo u dhexeeya labada dal.
Pezeshkian, oo ay u tahay booqashadiisii ugu horreysay ee Kremlin-ka tan iyo markii uu ku guuleystay madaxtinimada bishii Luulyo ee la soo dhaafay kadib markii uu ku dhintay shil helikobtar ah oo ku dhintay madaxweynihii ka horreeyay, ayaa lagu wadaa inuu la yeesho wadahadallo uu Putin diiradda ku saarayo xiriirka laba geesoodka ah iyo arrimaha caalamiga ah kahor inta uusan saxiixin heshiiska.
Ruushka ayaa xiriir dhow la sameystay Iran iyo dalal kale oo cadow ku ah Mareykanka, sida Kuuriyada Waqooyi, tan iyo markii uu billowday dagaalka Ukraine iyo sidoo kale heshiis iskaashi istiraatiiji ah ayuu la galay Shiinaha.
