Waxaa maanta oo Arbaca ah markii ugu horeysay kulan fool ka fool ah yeelanaya Israel iyo…
Waxaa maanta oo Arbaca ah markii ugu horeysay kulan fool ka fool ah yeelanaya Israel iyo Lubnaan oo ka wadahadli doona xaduuda badda oo ay isku heystaan.
Murrankan xaduuda badda ee u dhaxeeya Lubnaan iyo Israel ayaa soo socday tan iyo sanadkii 2011 kadib markii labadaasi dal ay Qaramada Midoobay wada geysteen khariirado iskhilaafsan.
Wadahadalkan waxaa soo diyaariyey dowlada Maraykanka oo dhex dhexaadineysa labada dhinac, wuxuuna kulankan ka dhacayaa tuulada Naqawra oo ku taal koonfurta Lubnaan, waxaana goobtaasi gacanta ku haya ciidamada Qaramada Midoobay.
Maraykanka ayaa sanadadii lasoo dhaafay waday dadaalkan xili Israel iyo Lubnaan labaduba daneenayaan gaaska laga helay bariga badda Mediterranean-ka.
Lubnaan oo aan aqoonsaneyn Israel ayaa horey wadahadalka ugu xirtay sharuuda ah in wadahadalkaasi uusan ku koobnaan oo kaliya xaduuda badda balse sidoo kale ay qeyb ka noqotay dhulka ay isku heystaan labada dhinac.
Hanad Askar
Horseed Media
