Xiritaanka baarlamaanka Jimcihii ayaa daba socday go’aan ay dhowr safaaradood oo shisheeye ah ku gaareen in si ku meel gaar ah loo xiro howlahooda shaqo
Baarlamaanka Ukraine ayaa baajiyay fadhigiisii, sida ay sheegeen sharci-dajiyayaasha, iyaga oo sabab uga dhigaya khatarta gantaalada Ruushka ee lagu weeraray caasimadda, iyadoo aqalka Kremlin-ka ee Ruushka looga taliyo uu sheegay in gantaalka hypersonic ee Dnipro uu digniin u yahay reer galbeedka.
Xiritaanka baarlamaanka Jimcihii ayaa daba socday go’aan ay dhowr safaaradood oo shisheeye ah ku gaareen in si ku meel gaar ah loo xiro howlahooda shaqo, sababo la xiriira hanjabaad shaqo joojin ah oo lagu soo rogay Kyiv.
Xildhibaan ka tirsan baarlamaanka Ukriane oo lagu magacaabo Mykyta Poturaiev ayaa sheegtay in la xaddido shaqada dhammaan xafiisyada ganacsiga iyo NGO-yada ee ku haray xayndaabka Baarlamaanka, dadka deegaanka ayaa looga digay khatarta sii kordheysa.
Xubin kale oo ka tirsan baarlamaanka, Oleksiy Goncharenko, ayaa ku tilmaamay go’aanka “wax lagu qoslo”, isagoo sheegay in kaliya “ay abuurtay argagax” oo ay tahay waxa kelya ee u rabey Vladimir Putin.
Afhayeenka madaxweynaha Ukraine Volodymyr Zelenskyy ayaa u sheegay suxufiyiinta in xafiiska madaxtooyadu uu u shaqeeyo sidii caadiga ahayd.
Madaxweyne Zelenskyy ayaa dhaleeceeyay adeegsiga Ruushka ee gantaalada cusub ee hypersonic, kaasoo Kremlin uu sheegay inuu digniin u ahaa reer galbeedka.
Khamiistii, ayuu Putin sheegay in ciidamada Ruushka ay gantaal cusub oo ridada dhexe ah ku soo rideen Ukraine taasoo jawaab u ahayd adeegsiga Kyiv ee toddobaadkan gantaallada lagu sameeyay Maraykanka iyo Ingiriiska ee lagu weeraray bartilmaameedyada Ruushka.
Kremlin-ka ayaa Jimcihii sheegtay in gantaalka cusub ee ballistic-ga ee dhawaan la sameeyay ee lagu tijaabiyey bartamaha magaalada Dnipro uu digniin u yahay waddamada reer galbeedka in Ruushku uu ka jawaabi doono ficilladooda “taxadir la’aanta ah”.
