Kuuriyada Waqooyi ayaa qaaday tijaabadii saddexaad ee gantaaladeeda nooca loo yaqaan Kuruus (Cruise) Gantaalada, iyadoo hubkaasi ku ridday baddan, tijaabadan oo ah tii 3aad muddo asbuuc gudaheed ah.
![](https://horseedmedia.net/wp-content/uploads/2024/01/Kuuriyada-Waqooyi-tijaabo-gantaal-300124-jpg.webp)
Warbaahinta dawladdu waxay sheegtay in hoggaamiye Kim Jong Un sheegay in lagu guuleystay soo-saarka gantaallada istiraatiijiga ah ee badda-hoosteeda, ee loo yaqaan Pulhwasal-3-31, dhammaadkii isbuucii hore.
Dhanka kale, Japan, Kuuriyada Koonfureed iyo Mareykanka, ayaa ballaarinayey dhoolatuskooda milateri ee isku dhafan – kaas oo Kim uu ku tilmaamay diyaar-garowga duulaan iyaga kusoo wajahan.
Toddobaadyadii la soo dhaafay, Kim wuxuu ku dhawaaqay in dalka Kuuriyada Koonfureed uu yahay “cadowgooda ugu weyn”, wuxuuna xiray wakaaladihii loo dhisay dib u mideynta labada dal.
Horseed Media