Duqeymaha Israa’iil ee guud ahaan Qaza waxaa ku dhintay 20 qof Arbacadii iyadoo ciidamada Israa’iil ay…
Duqeymaha Israa’iil ee guud ahaan Qaza waxaa ku dhintay 20 qof Arbacadii iyadoo ciidamada Israa’iil ay xoojiyeen go’doominta ay ku hayaan qeybaha waqooyiga ee dhulka Falastiin, isbitaallada ku hareeraysan iyo hoyga qaxootiga, waxayna ku amreen dadka deegaanka inay u jiheystaan dhanka koonfureed, sida ay sheegeen dhakhaatiirta iyo dadka deegaanka.
Wasaaradda caafimaadka Gaza iyo hay’adda caafimaadka adduunka ee WHO ayaa sheegay in aysan awoodi doonin in ay bilaabaan ololaha tallaalka cudurka dabeysha ee waqooyiga Gaza sidii loo qorsheeyay sababtoo ah duqeymo xooggan, barokac ballaaran iyo helitaan la’aan.
Ciidamada Israa’iil ayaa howlgallada ka bilaabay waqooyiga saddex toddobaad ka hor iyaga oo ujeedkoodu ahaa in laga hortago in dagaalyahannada Xamaas ay dib isu abaabulaan. Howlgalka ayaa sii xoogeystay tan iyo markii la dilay hogaamiyaha Xamaas Yahya Al-Sinwar todobaad ka hor.
Xulafada Israel, oo uu ku jiro Mareykanka, ayaa sheegay inay rajeynayaan in dhimashada Sinwar ay keeni karto dardar cusub oo nabadeed, iyadoo u ogolaanaysa Israel inay ku dhawaaqdo inay ku guuleysatay qaar ka mid ah ujeeddooyinkeedii ugu waaweynaa ee Gaza.
Horseed Media
