19 November, 2024
Jubaland oo shaacisay xildhibaanada cusub ee baaralamaanka 3aad
Guddiga madaxa-banaan ee xuduudaha iyo doorashooyinka Jubaland ayaa shaaciyey liiska xildhibaanada 3aad ee golaha wakiiladda dowlad goboleedka Jubaland oo ah 75 xildhibaan.
Xildhibaanadan ayaa waxaa soo xulay odayaasha dhaqanka beelaha Jubaland, waxaana qorshuhu yahay inay doortaan guddoonka baarlamaanka, madaxweynaha iyo labada madaxweyne kuxigeen.
Jubaland ayaa u muuqata inay durba guda gashay qabsoomidda doorashooyinkeeda, xili dowladda Federaalku ku tilmaamtay doorasho sharci-darro oo uu wato madaxweynaha talada haya Axmed Madoobe.
Horseed Media
