Madaxweyne Deni oo kala diray Golihii deegaanka Qardho

Madaxweynaha Puntland Siciid Cabdulaahi Deni ayaa kala diray Golaha Deegaanka ee magaalada Qardho, isagoona magacaabay Gudoon kumeelgaar ah.

Madaxweyne Deni ayaa Gudoomiye kumeelgaar ah u magacaabay Maxamed Faarax Abdiseed ( Buraale ) halka Gudoomiye Kuxigeenna u magacaabay Maxamuud Maxamed Ciise.

Kala dirista Golaha deegaanka magaalada Qardho ee gobolka Karkaar ayaa kusoo aadaysa xilli magaaladaasi ay u diyaar garoobeyso doorasho qof iyo cod ah oo bisha soo socota ee October ka dhacaysa sadex degmo oo ay kamid tahay Qardho.

Horseed Media