Madaxweynaha Dowladda Puntland Mudane Siciid Cabdullaahi Deni, ayaa magacaabay Guddiga Taakulaynta iyo Daryeelka Dhaawacyada ee hawlgalka ciribtirka argagixisada ee Puntland.
Madaxweynaha Dowladda Puntland Mudane Siciid Cabdullaahi Deni, ayaa isbitaalka ku booqday Ciidamada Difaaca Puntland ee ku dhaawacmay saaka iyagoo cashar lama illaawaan ah u dhigaya Argagixisada Daacish.
Madaxweynaha ayaa garab istaag u muujiyey ciidanka isagoo faray Guddiga taakuleynta iyo daryeelka in ay si dhow ula socdaan xaaladooda, wuxuu Madaxweynuhu boggaadiyey sida geesinimada leh ee Ciidanka Dowladda Puntland ay u guteen waajibkooda.
Guddiga Taakulaynta iyo Daryeelka
Waxaa xubanaha Wasiiradda ah iyo Guddomiyayaasha magacyadoodu hoos ku xusan yihiin loo magacaabay Guddiga Taakulaynta iyo Daryeelka Dhaawacyada ee hawlgalka ciribtirka argagixisada ee Puntland.
Guddigaan waxay ka shaqaydoonaan Taakulaynta iyo Daryeelka Dhaawacyada Howlgalka Buuraha Golis.
Xubnaha Guddiga ayaa kala ah: –
- Wasiir Siciid Jaamac Cali (Qoorsheel)
- Wasiir Cabdullaahi Bille Nuur
- Wasiir Cabdiraxmaan Axmed Cabdulle
- Wasiir Yuusuf Maxamed Wacays(Dheddo)
- La-taliye Axmed Cabdi Hurre
- Guddoomiyaha Gobolka Bari, Cabdirisaaq Cali Siciid.
- Guddomiyaha degmada Boosaaso, Cabdifaataax Xaaji Shanle.
Horseed Media
