Published: July 31, 2022
Madaxweynaha Mareykanka Joe Biden ayaa lagu khasbay in uu galo karantiil kadib markii labaada muddo 10 maalmood ah laga helay cudurka Covid-19.
Farriin uu soo diray madaxweynaha wuxuu sheegay in xaaladdiisa caafimaad ay wanaagsan tahay.
Maamulka Aqalka Cad ee Mareykanka ayaa hakiyay dhammaan booqashooyinkii u qorsheysnaa Madaxweynaha, wuxuuna maalmaha soo socda ka shaqeyn doona guriga.
Sagaal maalmood ka hor ayay aheyd markii feyraskan laga helay, waxaana madaxweynaha lagu daweeyay dawada ka hor togta feyraska ee Paxlovid.
Dhakhaatiirta ayaa rumeysan in Biden uu la il-darnaa xaalad naadir ah oo dib u soo kabasha ah oo lagu arkay bukaanada qaar eek u dhacay Covid-19.
Horseed Media
