Maraykanka oo ku celiyey in Doorashada Soomaaliya xiligeeda ku dhacdo

Xoghayaha Arrimaha Dibada ee Maraykanka Antony Blinken ayaa sheegay in loo baahan yahay in la xaliyo khilaafka hada jira isla markaana lasoo gabagabeeyo doorashada Soomaaliya.

Mr.Blinken ayaa khadka telefoonka kula hadlayey Madaxweynaha Kenya Uhuru Kenyatta oo uu kala hadlay xaalada dagaala ka socda Itoobiya iyo xiisada ka jirta dalka Soomaaliya.

.@StateHouseKenya President Kenyatta and I spoke today about the urgency of a cessation of hostilities to resolve the escalating conflict in Ethiopia and the need for Somali leaders to conclude elections as soon as possible and to act with restraint.

— Secretary Antony Blinken (@SecBlinken) December 28, 2021

Kenya ayaa xiligan kamid ah xubnaha Golaha Amaanka ee Qaramada Midoobay.

Beesha Caalamka ayaa wada dadaalo lagu cadaadinayo madaxda dowlada Federaalka Soomaaliya in la dhameystiro doorashada Soomaaliya oo marar badan wakhtigeedii dib uga dhacday.

Dalalka Soomaaliya daneeya ayaa sheegay inay taageersan yihiin dadaalka Raysalwasaare Rooble ee dhameystirka doorashada, xili Madaxweynaha wakhtigiisa dhamaaday ee Maxamed Cabdullahi Farmaajo oo xilka markale u tartamaya uu sheegay inuu shaqadii ka joojiyey Raysalwasaaraha.

Horseed Media