Diyaaradaha aan duuliyaha wadin ee ciidamada Maraykanka ayaa mar kale duqeyn ka geystey gobolka Galguduud ee…
Diyaaradaha aan duuliyaha wadin ee ciidamada Maraykanka ayaa mar kale duqeyn ka geystey gobolka Galguduud ee mamaulka Galmudug, halkaas oo lagu weeraray saldhig al-Shabaab ay ku lahaayeen.
War ka soo abay Dowaldda Soomaaliya maanta oo Salaasa ah ayaa lagu xaqiijiyey in ciidamada amaanka ee Soomaaliya oo kaashanaya Maraykanku ay burburiyeen saldhig al-Shabaab ku lahaayeen meel ku dhaw degmada Galcad ee gobolka Galguduud.
Warka ayaa intaas ku daray in goobtaas lagu diley subaxnimadii hore ee maanta 5 sarkaal oo ka tirsanaa ururka al-Shabaab.
Bishii Janaayo 2023 ayey ahayd markii AFRICOM sheegtey in ay weerar ku dileen 30 ka tirsan ururka al-Shabaab isla goobta hadda la beegsadey ee ku dhaw Galcad,
Maraykanka ayaa kor u qaadey weerarada ay ka geysanayaan Soomaaliya sanadkan 2023, waxaana dowladda Soomaaliya ay sheegtey in tani qayb a tahay wejiga labaad ee dagaalka ka dhanka ah al-Shabaab.
Horseed Media
