Wasaarada Gaashaandhiga Mareykanka ayaa sheegtay in Salaasadii shalay ay duqeyn la beegsadeen xarumaha maleeshiyaadka Ciraaq ee taageerada ka hela IRAN.
![](https://horseedmedia.net/wp-content/uploads/2024/01/Mareykanka-Duqeyn-Ciraaq-Yemen-240124-jpg.webp)
Wasiirka Gaashaandhiga Mareykanka Lloyd Austin ayaa sheegay in sadex xarun oo ay leeyihiin maleeshiyaadka Ciraaq ay duqeeyeen, taasi oo jawaab u ahayd weeraro kaga imaanayey kooxahaasi maalmihii lasoo dhaafay oo lala beegsaday ciidamadooda ku sugan Ciraaq & Siiriya.
Maleeshiyaadka Shiicada ah ee Ciraaq oo taageeradda ka hela IRAN ayaa todobaadyadii lasoo dhaafay duqeynmo diyaaradaha Drone-ka iyo hoobiyayaal la beegsanayey saldhigyada Mareykanka ku leeyahay wadankaasi.
Dhinaca Yemen, Mareykanka ayaa markale duqeeyey labo saldhig oo ay leeyihiin xoogaga Xuutiyiinta, halkaasi oo la sheegay inay yaaleen gantaalada kooxdaasi u adeegsato weerarada lala beegsado Maraakiibta marra Badda Cas.
Horseed Media