![](https://horseedmedia.net/wp-content/uploads/2020/09/8-7-1200x675.jpg)
Raysal Wasaaraha Dowlada Federaalka Soomaaliya Maxamed Xuseen Rooble ayaa maanta xafiiskiisa ku qaabilay qaar kamid ah Safiirrada dalalka caalamka u fadhiya Soomaaliya iyo wakiillada Qaramada Midoobay, Midowga Yurub iyo Midowga Afrika.
![](https://horseedmedia.net/wp-content/uploads/2020/09/4-16-1080x720.jpg)
Kulanka ayaa la isku dhaafsaday talooyin ku aaddan xaaladda waddanka iyo sidii ay u dhex mari lahayd Xukuumadda cusub wada-shaqayn dhow, isla markaana horay loogu sii wada ambaqaadi lahaa horumarrada ay dowladdu gaartay. Iyadoo kulanka ay qeyb ka ahaayeen siihayaha raysalwasaare ku-xigeenka Mahdi Maxamed Guuleed iyo siihayaha wasiirka arrimaha dibedda Axmed Ciise Cawad.
![](https://horseedmedia.net/wp-content/uploads/2020/09/9-6-1200x675.jpg)
Safiirrada ayaa muujiyay taageeradooda Ra’iisul Wasaaraha cusub una rajeeyay in uu ku guuleysto howlaha muhiimka ah ee horyaalla Xukuumaddiisa, waxayna ammaaneen arrimaha mudnaanta u leh Ra’iisul Wasaaraha Rooble ee Amniga, doorashooyinka & Dib-u-habeynta hannaanka maaliyadda.
Hoos ka daawo:
Horseed Media