Sacuudiga oo ugu baaqay Beesha Caalamka in wax laga qabto Israel

Published: May 12, 2021

by: Horseed Staff

Boqortooyada Sacuudiga ayaa cambaareysay weerarada ciidamada Israel ka wadaan dhulka Falastiin.

War kasoo baxay Salaasadii shalay Wasaarada Arrimaha Dibada ee Sacuudiga ayaa lagu sheegay in Israel ku xadgudubtay Masaajidka Barakeysan ee Al Aqsa, isla markaana looga baahan yahay in Beesha Caalamka tilaabo ka qaado falalkan ay ku kacday Israel.

Sacuudiga ayaa sheegay inuu taageero la garab taagan yahay shacabka reer Falastiin, iyagoona sheegay in xalka kaliya ee xiisadan lagu soo afjari karo ay tahay in shacaka Falastiin yeeshaan Waddankooda u gaarka ah iyadoo la raacayo xaduudihii 1967dii, isla markaana Bariga magaalada Qudus ay noqoto caasimadooda.

#Statement | The Ministry of Foreign Affairs condemns in the strongest terms the blatant attacks carried out by the Israeli occupation forces against the sanctity of #AlAqsaMosque, and for the security and safety of worshipers. pic.twitter.com/o1AcBQqgSd
— Foreign Ministry 🇸🇦 (@KSAmofaEN) May 11, 2021