Safiirka Maraykanka ee Soomaaliya Donald Yamamoto ayaa ugu baaqay madaxda dowlada goboleedyada dalka inaysan Muqdisho ka tagin illaa iyo inta heshiis laga gaarayo.
Qoraal uu bartiisa Twitterka soo dhigay danjire Yamamoto ayuu kusii adkeeyey war saxaafadeed maanta kasoo baxay Beesha Caalamka, kaas oo ku saabsanaa qabsoomida shir ay isugu yimaadaan madaxda dowlada federaalka iyo dowladaha xubnaha ka ah.
“Dadka Soomaaliyeed waxay rabaan doorasho, Saciid Deni, Axmed Madoobe, Qoor Qoor, Cali Guudlaawe iyo laftagareen waa in ay Muqdisho joogaan ilaa heshiis laga gaaro”
Safiirka Maraykanka, Donald Yamamoto
Shirka Wadatashiga Qaran ee uu ku dhawaaqay madaxweynaha xilhayntiisu dhamaatay ee Soomaaliya, Maxamed Cabdullaahi Farmaajo ayaa lagu wadaa inuu berri ka furmo magaalada Muqdisho, kaas oo ay qaadaceen qaar kamid ah dowlad goboleedyada.
Horseed Media
