Published: January 16, 2017
by: Horseed Staff
Suxufi sawir qaade ah oo u dhashay dalka Koonfur Afrika ayaa la sheegay in lagu qafaashay waqooyiga wadanka Siiriya.
Ninkan oo lagu magacaabo Shiraas Mohamed oo ah 38 sano jir ayaa la sheegay inuu xiligan la shaqeenayey hay`ada samafalka ee loo yaqaan Gift of Givers oo ah mid ka shaqeysa taakuleynta dhinaca caafimaadka ee shacaba ku dhibaateysan wadankaasi Siiriya.
Suxufigan oo isagu ah nin muslim ah ayaa gaariga uu saarnaa la sheegay inay kala degeen kooxo hubeysan iyadoo aan illaa iyo hada la ogeyn goobta uu ku sugan yahay. Wuxuuna xiligaasi ku sugnaa goob aan ka fogeyn xaduuda u dhaxeysa Siiriya iyo Turkiga.
Horseed Media
