Madaxweynaha la doortay ee Mareykanka Donald Trump ayaa u sheegay madaxweynaha Ruushka Vladimir Putin inuusan xaaladda…
Madaxweynaha la doortay ee Mareykanka Donald Trump ayaa u sheegay madaxweynaha Ruushka Vladimir Putin inuusan xaaladda Ukraine uga sii darin isagoo taleefoon kula xiriiray.
Jariirada The Washington Post ayaa werisay, in Trump uu Putin kala hadlay xaalada Ukraine isla markaana ugu baaqay inuusan sare usii qaadin xiisada Yurub.
The Post ayaa sidoo kale sheegtay in Trump uu aad u danaynayay in uu wadahadalo dheeraad ah la yeesho Putin si loo xoojiyo “xalinta” dagaalka.
Wadahadalkan ayaa noqonaya kii ugu horreeyay ee labada nin tan iyo markii Trump uu ku guuleystay doorashadii madaxtinimada ee November 5.
Trump ayaa horay u dhaleeceeyay baaxadda taageerada militari iyo dhaqaale ee Kyiv ee maamulka madaxweynaha Mareykanka Joe Biden , halka madaxweynaha dhawaan la doortey ee Trump uu wacad ku maray inuu si degdeg ah u soo afjari doono dagaalka, isagoo aan cadeyn habka uu isticmaali doono.
Horseed Media
