Dab labaad oo ka kacay aagga Los Angeles ayaa kacay goor dambe oo Talaadadii ah meel u dhow, ka dib markii dab hore uu ka kacay xaafadda buuraleyda ah ee Palisades, isagoo gubaya guryo isla markaana sababay qaxa shacabka.
Dab si xowli ah ku socda ayaa Talaadadii ka kacay dhulka hoose ee waqooyi bari ee Los Angeles saacado ka dib markii dab kale uu ka kacay xaafadda Palisades ee xeebta, kaas oo dumiyay guryo badan isla markaana sababay in tobanaan kun oo qof laga saaro.
Dabka Eaton ee Altadena wuxuu ka bilaabmay 6:30 p.m. Dabku si xawli ah ayuu u fiday taas oo keentay in la bilaabo daadgureynta shacabka.
Dhanka galbeed, dabka Palisades ee xeebta oo bilowday subaxnimadii Talaadada ayaa si aan la xakamayn karin usii fidaya.
Guddoomiyaha gobolka California Gavin Newsom, oo ku sugnaa Koonfurta California ayaa booqday goobaha khasaaraha soo gaaray.
Saraakiishu ma aysan sheegin tirada saxda ah ee dhismayaal burburay, laakiin waxay sheegeen in ilaa 30,000 oo dadka deegaanka ah la daadgureynayo, halka in ka badan 13,000 oo dhismena ay halis ku jiraan.
Horseed Media
