3 days ago
Ugu yaraan 10 qof ayaa ku dhimatay 30 kalana waa ay ku dhaawacmeen kadib markii gaari uu jiiray dad ku sugnaa xaafad caan ah oo loo dalxiis tago oo ku taal magaalada New Orleans gobalka Louisiana ee dalka Mareykanka, sida ay sheegeen maamulka magaaladaasi.
Hay’ada xaaladaha degdegga ah ee New Orleans, ayaa qoraal ay soo saartay ku sheegtay in baabuurku uu dhex galay dad badan oo marayay Waddada Canal iyo Bourbon Street.
Saraakiisha dowladda hoose iyo kuwa federaalka ayaa sheegay in darawelka ay boolisku toogteen kaddib markii uu gaarigiisa kala soo degay qori uu watay.
Saraakiisha ayaa sheegay in Gaariga uu si xowli ah ku socday, isla markaana in Darawalka uu rasaas ku furayay dadka Shacabka ah.
Horseed Media
