Munaasibadan oo si wanaagsan loo qaban qaabiyey ayaa aheyd mid si rasmi ah xarigga looga jarayey…
Munaasibadan oo si wanaagsan loo qaban qaabiyey ayaa aheyd mid si rasmi ah xarigga looga jarayey dhisme cusub oo wasaaradda deegaanka , dalxiiska iyo duurjoogta Puntland ku yeelanayso magaalada Bosaso ee xarunta gobolka Bari.
Wxaa munaasabadda xarig jarka ka qeyb-galay xubno katirsan golaha xukuumadda Puntland , maamulka gobalka Bari , kan degmada Bosaso , haween iyo mas’uuliyiin kale .
Wasiirka Deegaanka, Dalxiiska iyo Duurjoogta Puntland Cali Cabdullaahi Warsame ayaa furitaankii munaasibadda mahadcelin balaaran u jeediyey ka qeyb-galayaasha, waxaana uu hirgelinta dhismahan cusub ku tilmaamay mid taariikhi ah oo wakhti badan uu ku bixiyey sidii loo hirgelin lahaa .
Gudoomiye ku xigeenka Gobalka Bari Axmed Cali Cabdullaahi , Wasiirka Duulista Hawada iyo Garoomada Puntland Xassan Xaaji Saciid , Wasiir ku xigeenka Wasaaradda Kalluumaysiga Puntland Maxamuud Maxamed Cali Gabax iyo mas’uuliyiin kale oo dhankooda Hadley ayaa bogaadiyey dhismahan cusub ee wasaaraddu ku yeelatay magaalada Bosaso .
Dhismahan cusub oo Bosaso ay ku yeelatay Wasaaradda Deegaanka , Dalxiiska iyo Duurjoogta Puntland ayaa waxaa dhistay shirkadda Dhismaha Guryaha iyo Wadooyinka Puntland ee IPECO , waxaana maalgeliyey Bankiga adduunka halka ay hirgelisay wasaaraddu .
Horseed Media 2017
