Xamaas ayaa xalay siideysay 17 qof oo u dhashay Israel iyo Thailand oo kamid ah laheystayaasha ay gacanta ku hayeen.
![](https://horseedmedia.net/wp-content/uploads/2023/11/Gaza-Maxaabiis-2aad-261123-1-jpg.webp)
Dadkan ayaa lagu waday in Sabtidii gelinkii danbe lasii daayo balse dib u dhac ayaa ku yimid siideyntooda.
Dib u dhacaas ayaa yimid kadib markii Xamaas ay ku eedaysay Israel inay jabisay heshiiska sida in gargaarka la gaarsiiyo waqooyiga Gaza.
Qeybta 2aad ee lasii daayey ayaa ah haween & caruur gaaraya 13 oo u dhashay Israel iyo 4 kasoo jeeda Thailand.
![](https://horseedmedia.net/wp-content/uploads/2023/11/Gaza-Maxaabiis-2aad-261123-5-jpg.webp)
Israel ayaa dhankeeda siideysay 39 caruur iyo haween reer Falastiin, kuwaasi oo qaarkood ku xirnaa sannado xabsiyada Israel.
![](https://horseedmedia.net/wp-content/uploads/2023/11/Gaza-Maxaabiis-2aad-261123-2-jpg.webp)
Maanta oo Axad ah ayaa noqoneysa maalintii 3aad ee xabad joojinta socon doonta 4ta maalmood. Waxaana la filayaa in lasii daayo qeybtii 3aad ee maxaabiista labada dhinac.
Horseed Media