Xulka Gobolka Nugaal ayaa ku guuleystay koobka 10aad ee kubada cagta gobolada Puntland, 2024 kadib markii ay galabta ciyaartii kama dambaysta ee tartanka ka guuleysteen xulka gobolka Bari (4-2).
koobka ay Nugaal qaaday ayaa noqonaya keedii afaraad, waxayna iskoorkaasi ka jabisay xulka ay ka guuleysteen ee gobolka Bari oo iyagu horey u haystay afar koob, halka Sool iyo Haylaan ay haystaan min hal koob.
Tartanka 10aad ee kubada cagta gobolada Puntland oo muddo bil ah ku dhowaad ka socday garoonka Mire Awaare ee caasimadda Garoowe ayaa galabta oo talaado ah si nabad ah kusoo dhamaaday.
Munaasabadda Xiritaanka Tartanka 10aad ee kubada cagta gobolada Puntland ayaa waxaa kasoo qaybgalay Wasiiro, Xildhibaano, xiriirka kubada cagta Puntland iyo masuuliyiin kale, waxaana halkaasi abaalmarino lagu guddoonsiiyey ciyaaryahanada kaalmaha hore galay iyo xulka Nugaal oo lagu wareejiyey koobka tartanka.
Horseed Media
