Maleeshiyada Xuutiyiinta Yemen ayaa ku amray dhammaan shaqaalaha Maraykanka iyo Ingiriiska ee Qaramada Midoobay iyo hay’adahooda inay dalka uga baxaan muddo bil gudaheed ah, sida uu sarkaal ka tirsan Qaramada Midoobay u sheegay wakaalada AFP.
Warqad ku taariikheysneyd 20-kii Janaayo oo lagu faafiyay baraha bulshada, mas’uuliyiinta magaalada caasimadda ah ee Sanca ee ay Xuutiyiintu maamulaan ayaa u sheegay isku-duwaha Qaramada Midoobay u qaabilsan Qaramada Midoobay in shaqaalaha haysta dhalashada Ingiriiska iyo Mareykanka ay heystaan hal bil oo ay “isku diyaariyaan inay dalka ka baxaan.”
Sarkaal ka tirsan Qaramada Midoobay ayaa wakaalada wararka ee AFP u xaqiijiyay inay heleen qoraalka.
Cayrintan ayaa daba socotay weeraro ay si wada jir ah u fuliyeen Mareykanka iyo Britain oo ka dhan ah Xuutiyiinta kuwaas oo looga dan lahaa in lagu soo afjaro weerarada kooxdan ee maraakiibta ganacsi ee mara Badda Cas iyo Gacanka Cadmeed.
Horseed Media
