Xuutiyiinta Yemen oo sheegay inay weerari doonaan Maraakiibta Israa’iil ee Badda Cas

Kooxda Xuutiyiinta Yemen ayaa ku dhawaaqay qorshahooda ku aadan Maraakiibta Israel ee mara Badda Cas iyo Marinka Bab al-Mandeb.

Kooxdan ayaa sheegay inay duqeyn doonaan Maraakiibta u socota Israel.

Xuutiyiinta ayaa bishan dhowr goor gantaalo ku tuuray Israel gaar ahaan magaalo xeebeedka Eilat.

Waxay sidoo kale kooxdan todobaadkii tagay soo rideen mid kamid ah diyaaradaha Drone-ka oo uu lahaa militariga Mareykanka.

Abdulmalik al-Houthi oo kooxdan u hadlay ayaa sheegay inay isha si gaar ah hada ugu hayaan badda cas iyo maraakiibta halkaas mara.

Horseed Media